Psa 144 | ZomZIV | STEP | David phuah. Keima Suangpi, TOPA , ka khutte galsimzia sinsaka ka khutmete galdozia a sinsakpa kiphat ta hen.

Psalms 144

David phuah.

1 Keima Suangpi, TOPA, ^a
ka khutte galsimzia sinsaka
ka khutmete galdozia a sinsakpa kiphat ta hen.
2 Amah ka nuai-ah mite ^{▼▼ 2 Masoretic Bupi, Tuipi Si, Aquila, Jerome le Syriac khutgelh tampite; Masoretic khutgelh khempeuh ah ka mite nuaisiah} a nuaisiahpa ^c
hong it ka Pasian le ka kulhpi, ^d
ka mun muanhuai le kei hong hukhiapa hi in, ^e
ka lum le ka bukna ahi hi. ^f
3 TOPA aw, na thudon dingin mihing bang hi-a,
nang ngaihsut dingin mihing tapa bang ahi hiam? ^g
4 Mi in huusan khat tawh kibang a;
a nuntak hun niliim kikhinkhin tawh kibang hi. ^h
5 TOPA aw, na vante khenkham inla hong paisuk in; ⁱ
mualte lawngin, mei khusak in. ^j
6 Kek kiasak inla galte thehthang in;
na thaltangte kap inla amaute taikeksak in. ^k
7 A sangna pan na khutin hong bansuk inla; ^l
tui thahatte pan le
gamdang mite khut panin ^m
kei hong dalin hong hukhia in,
8 amaute kam zuauthu tawh kidim a,
a khut taklam uh zong zuautat hi. ⁿ
9 Pasian aw, nang tungah lathak khat kong sak dinga; ^o
khauzang sawm kivawh lyre kong tum ding hi.
10 Nang, kumpite tunga hong gualzosak Pa, ^p
sih theihna namsau panin na nasem David a honkhiapa na hi hi. ^q
11 A kam uh zuauthu tawh a dim,
a khut taklam uh zong ^r
a zuautat, gamdang mite khut pan ^s
kei hong hu-in hong suaktasak in.
12 Tua hileh ka tapate uh a moi lai-un
hoihtaka khang singno bang ding uh a, ^t
ka tanute uh kumpi inn zep nadingin hoihtaka kikhuaka kizem
khuampite bang ding uh hi. ^u
13 Ka saalte uh an namkim tawh
a dim ding hi. ^v
Ka tuute uh a tultul, a tul sawmsawmin
ka lo lai-uah pung ding hi;
14 ka bawngtalte un vangik ^{▼▼ 14 Ahikeh ka mipi makaite uh kho takin kikipsak ding hi} a kai ding hi. ^x
Kulh vanna mun om lo dinga, ^y
sal-a kikai zong om loin,
kongzing ah lungdong a kahna zong a om kei ding hi. ^z
15 Hih bang thu tawh a kituak mite thupha ngah hi-a; ^aa
amaute Pasian, TOPA ahi mite thupha ngah ahi hi.